“Ermənistanın ABŞ hərbçiləri ilə birgə təlimlər keçirmək niyyəti Kremldə narahatlıq doğurur”.

Bu sözləri Rusiya prezidentinin mətbuat katibi Dmitri Peskov Ermənistanın ABŞ ilə birgə hərbi təlimlər keçirmək planlarını şərh edərkən deyib.

“Bu qəbildən xəbərlər xüsusilə indiki vəziyyətdə narahatlıq doğurur. Biz bu xəbəri dərindən təhlil edəcəyik”, - deyə Peskov qeyd edib.

Qeyd edək ki, bundan əvvəl Ermənistan Müdafiə Nazirliyi sentyabrın 11-dən 20-dək Ermənistan ərazisində Ermənistan və ABŞ-nin “Eagle Partner-2023” birgə hərbi təlimlərinin keçiriləcəyi barədə məlumat vermişdi.