“Bayraktar TB2” pilotsuz uçuş aparatlarının (PUA) yaradıcısı, “Baykar Savunma” şirkətinin texniki direktoru Selçuk Bayraktar 2-6 oktyabr tarixlərində Bakıda keçiriləcək 74-cü Beynəlxalq Astronavtika Konqresində iştirak edəcək. 

Bu barədə Azərbaycan Respublikasının Kosmik Agentliyi (“Azərkosmos”) məlumat yayıb. 

Məlumata görə, Bayraktar Bakı Beynəlxalq Astronavtika Konqresi ilə bağlı izləyicilərinə müraciət edib:  

“Kosmosun dərinliklərinə gedəcəyimiz, elmi araşdırmaların təqdim olunacağı 74-cü Beynəlxalq Astronavtika Konqresi 2-6 oktyabrda Can Azərbaycanda keçiriləcək. Biz də 500 nəfərlik TEKNOFEST komandası ilə birlikdə burada olacağıq. 
Fəza bütün sirləri ilə bizi araşdırmalara sövq edərkən, eyni səma altında Bakıda görüşərik”.