Türkiyə klubları avrokuboklarda tarixi uğura imza atıblar.

İnfoteka.az xəbər verir ki, beynəlxalq arenada çıxış edən qardaş ölkə təmsilçilərinin hamısı ilk dəfə eyni gündə qələbə qazanıblar.

Avropa Liqasında mübarizə aparan "Fənərbağça" Kiprdə AEK (Larnaka) komandasına 2:1 hesabı ilə qalib gəlib, "Trabzonspor" isə evdə Fransa "Monako"sunu darmadağın edib - 4:0.

Konfrans Liqasında "Başakşehir" evdə Latviyanın RFŞ klubunu, "Sivasspor" isə Kosovoda "Balkani"ni 2:1 hesabı ilə üstələyib.

Qeyd edək ki, Türkiyə bu dörd komandanın uğurlu çıxışı sayəsində UEFA reytinqində 18-ci sıradan 14-cü pilləyə yüksəlib.