Beynəlxalq İdman Araşdırmalar Mərkəzi (CIES) öz ölkələrinin çempionatında topa ən çox sahib olan komandaların reytinqini açıqlayıb.

İnfoteka.az CIES-in rəsmi saytına istinadən xəbər verir ki, Azərbaycan təmsilçilərindən "Qarabağ" 4-cü pillədə qərarlaşıb.

Cari mövsüm Premyer Liqada keçirdiyi 8 oyunun hamısında qələbə qazanan Ağdam təmsilçisi hər oyunda orta hesabla 65.9 faizlik göstərici ilə yalnız Ukraynanın "Şaxtyor" (Donetsk), İngiltərənin "Mançester Siti və Portuqaliyanın "Benfika" klublarından geri qalır.

Bundan başqa, "köhlən atlar" rəqib cərimə meydançası yaxınlığındakı pasların (214,1) orta sayına görə 14-cü, öz cərimə meydançasının həndəvərindəki ötürmə sayına görə isə sonuncu sırada yer alıb. Bu isə o deməkdir ki, Azərbaycan çempionu oyunun böyük hissəsini hücumda keçirir.

Həmçinin, "Qarabağ" dəqiq ötürmələrin orta sayı (86,7%) baxımından 44-cüdür.