İordaniya Hərbi Hava Qüvvələri Qəzzaya fələstinlilər üçün tibbi yardım göndərib.

Bu barədə İordaniya Kralı II Abdullah İbn Əl-Hüseyn “X” platformasında yazıb.

“İordaniya Hərbi Hava Qüvvələri Qəzza bölgəsindəki fələstinlilər üçün tibbi yardımın bir hissəsini paraşütlə göndərib”, - İordaniya Kralı bildirilib.

Qeyd edək ki, İsrail Müdafiə Qüvvələri (İsrael Defence Forces – İDF) bu gün Qəzzanın tam mühasirəyə alındığını və blokadada olduğunu elan edib.