Cəlilabad rayonunda xəsarətlə nəticələnən yol-nəqliyyat hadisəsi baş verib.

İnfoteka.az-ın report-a istinadən məlumatına görə, avtomobil yolu keçən 1975-ci il təvəllüdlü Vahabova Gülgəz Əligülşad qızını vurub. 

Yaralı təcili tibbi yardımın köməkliyi ilə xəstəxanaya çatdırılıb. 

Müayinə zamanı ona sağ əlin birinci barmağının natamam amputasiyası və bədənin çoxsaylı əzilmiş-siyrilmiş yaraları diaqnozu qoyulub.

Əməliyyat nəticəsində qadının barmağı amputasiya olunub.

Hadisənin təfərrüatı araşdırılır.