“2023-cü ildə Ukrayna Silahlı Qüvvələri 215 mindən çox insan itirib”. 

Bunu Rusiyanın müdafiə naziri Sergey Şoyqu Rusiya Silahlı Qüvvələrinin rəhbər heyəti ilə keçirilən konfransda deyib.

"Rusiya qoşunlarının qrupları metodik olaraq Ukrayna Silahlı Qüvvələrinin döyüş potensialını azaldır. Son bir ildə düşmən itkiləri 215 min nəfəri və 28 min silahı ötüb. Kiyevin Ukrayna ordusunun sıralarını artırmaq üçün imkanlar axtarışı yalnız hərbi münaqişəni uzadacaq” – deyə Şoyqu bildirib.

Eyni zamanda o qeyd edib ki, Ukrayna birləşmələrinin insan resurslarının tükənməsinə və döyüş meydanında nəticələrin olmamasına baxmayaraq, ABŞ sakitcə ukraynalıların həyatı bahasına dünya liderliyi ambisiyalarını reallaşdırmağa çalışır.