Yerli mətbuatda Gəncə şəhərində yeni stadionun tikiləcəyi ilə bağlı xəbərlər dolaşırdı.

İnfoteka.az xəbər verir ki, "Kəpəz" klubunun mətbuat xidmətinin rəhbəri Azad Mustafayev fanat.az-a açıqlamasında məsələyə belə aydınlıq gətirdi: 

"Səhər mənim yerli radiolardan birində çıxışım olmuşdu. Orada mənə stadionun vəziyyəti ilə bağlı sual verdilər. Mən isə qeyd etdim ki, bu 60 ilin stadionudur və istismar müddətini başa vurub. Yəni təmir olunmalı deyil, sökülüb yenidən tikilməlidir. Bu mövzu isə illərdir müzakirə olunur və AFFA-dan da bildirilib ki, yeni stadion tikiləcək. Mən bunu demişəm. Amma necə olubsa, dediklərim rezonans doğurub ki, Gəncədə yeni stadion tikiləcək. Arenanın nə zaman tikiləcəyi ilə bağlı məlumatımız yoxdur".