"Barselona" baş məşqçi Xavi Ernandesi istefaya göndərməyə hazırlaşır.

Qeyd olunan iddia İspaniyanın “El Nacional” qəzetinə məxsusdur. 

Nəşrin iddiasına görə, Çempionlar Liqasında "İnter"lə nəticələr, eləcə də "El Klassiko"da "Real Madrid"ə 1:3 hesablı məğlubiyyət klub rəhbərliyinin alternativ axtarışına səbəb olub. Təxminən bir il əvvəl baş məşqçi postunda Ronald Kumanı əvəzləyən Xavinin "Barselona"dakı nəticələri niderlandlı mütəxəssisinkindən pisdir. 

Klubun prezidenti Juan Laportanın artıq Xavinin yerinə üç namizəd tapdığı bildirilir. Ən çox ehtimal olunan varis son vaxtlara qədər "Çelsi"yə rəhbərlik edən alman məşqçi Tomas Tuxeldir. Siyahıdakı digər ad hazırda "River Pleyt"i çalışdıran Marselo Qallardodur. Ən az ehtimal olunan üçüncü variant isə Yurgen Kloppdur.