“Artıq çəki bir çox xəstəliklərin risk faktoruna daxildir. Bəzi hallarda artıq çəki fəqərələrin yükünü artırır”.

İnfoteka.az oxu.az istinadən xəbər verir ki, bu barədə Səhiyyə Nazirliyinin canlı yayımının qonağı olan nazirliyin mütəxəssis-eksperti, cərrah-endokrinoloq Azər Hümmətov məlumat verib.

Həkim bildirib ki, bərk asqıranda, döş qəfəsində, kürəkdə ağrı hiss oluna bilir:

“Araşdırma zamanı məlum olur ki, fəqərədə sıxlıq yaranıb. Sümük üzərinə normadan artıq yük düşüb. Bu da insanda sümük qırıqlarına daha tez rast gəlməyə gətirib çıxarır. Boyunda sümüyün sınığı osteoporoz xəstəliyinin çox ağır formalarından biridir. Odur ki, bu cür məqamlara diqqət etmək lazımdır”.