Xəbər verdiyimiz kimi, Nazirlər Kabinetinin qərarı ilə martın 1-dən ölkəyə idxal olunan benzin gömrük rüsumundan azad edilib. Yeni qərara əsasən, bu ilin sonuna qədər aviasiya benzinləri istisna olmaqla mühərrik benzinlərinin hər tonu üçün aksiz vergisi 200 manatdan 1 manata endirilib. 

Bundan əlavə, KİV-in məlumatına görə, ölkəmizdə bu ilin sentyabr ayında daha yüksək keyfiyyət parametrlərinə malik aşağı oktanlı benzin, IV rübdə isə Avro-5 standartlarına cavab verən Ai-95 markalı benzin istehsal edilməyə başlanılacaq.