Braziliyanın Rio Qrande-du-Sul ştatında daşqınlar nəticəsində azı 30 nəfər ölüb, 60 nəfər itkin düşüb.

Bu barədə ölkənin dövlət qurumları məlumat yayıb.

Bildirilib ki, əlverişsiz hava 10 milyona yaxın sakinin yaşadığı ştatın 50 bələdiyyəsinə təsir edib.

Yağışlar davam etdiyi üçün 10 min sakin evlərini tərk etmək məcburiyyətində qalıb, 300 mindən çox evin elektrik təchizatı kəsilib.