Almaniyanın “Lufthansa” aviaşirkətinə məxsus təyyarə Danimarkanın Billun şəhərindən Frankfurta kabinədən gələn tüstü qoxusuna görə Hannoverdə məcburi eniş edib.

Bu barədə “DPA” agentliyi məlumat yayıb.

Bildirilib ki, 89 sərnişin və 4 ekipaj üzvü xəsarətsiz təyyarəni tərk edib. Tüstü və qoxuya baxmayaraq, təyyarədə yanğın aşkarlanmayıb.

Aviaşirkət mütəxəssisləri hadisə ilə bağlı araşdırmaya başlayıb.