Ötən gecə Qəzza sektorunda hərbi minik avtomobilinin partladılması nəticəsində İsrail ordusunun üç hərbçisi həlak olub.

Bu barədə ordunun mətbuat xidmətindən məlumat verilib.

Bildirilib ki, öldürülən hərbçilər “Kfir” briqadasının “Naxşon” batalyonunda xidmət edib. Bununla da vəziyyətin gərginləşməsindən ötən dövr ərzində həlak olan İsrail hərbçilərinin sayı 292 nəfərə çatıb.

Qeyd edək ki, bölgədə vəziyyət 2023-cü il, oktyabrın 7-dən etibarən gərginləşib.