Milyarder Dmitri Astafyev mənimsəmə ittihamı ilə Moskvada saxlanılıb.

Astafyevin saxlanması ilə bağlı məlumatı jurnalistlərə onun həyat yoldaşı təsdiqləyib. Onun sözlərinə görə, ötən gecə əməliyyatçılar ərinin qaldığı xəstəxanaya gələrək onu saxlayıblar.

Məlumata görə, iş adamı mənimsəmə işi üzrə ittiham olunur.

Belə ki, 27 noyabr 2013-cü ildən 24 noyabr 2017-ci il tarixədək Astafyev “LenSpetsStroy” və “LenOblSpetsStroy” şirkətlərinin baş direktoru olub. Bu vəzifədə o, səhmdarların pulunu - ümumilikdə təxminən 217 milyon rublu (təxminıən 4 milyon 179 min manat) mənimsəyib.