Rusiyanın Kursk vilayətinin 130 mindən çox sakini yaşadıqları yeri tərk edib.

Bunu Kursk vilayətinin qubernator səlahiyyətlərini icra edən Aleksey Smirnov Ukrayna ilə sərhəd regionlarda vəziyyətə dair müşavirədə bildirib.

Onun sözlərinə görə, Kurskun Ukrayna ilə sərhəd bölgəsinin 133 min sakini gedib, təxminən 20 min nəfər həmin ərazidə qalıb.

Qeyd edək ki, Ukrayna silahlı qüvvələri Rusiyanın Kursk vilayətinə hücum edərək bir neçə yaşayış məntəqəsini ələ keçirib. Ukrayna ordusunun Rusiya ilə sərhəd regionlara hücumları davam edir.