Fransanın Avropa İttifaqındakı (Aİ) komissarı Tyeri Bröton istefa verdiyini elan edib.

Bu barədə Bröton Avropa Komissiyasının sədri Ursula Fon der Lyayenə məktub ünvanlayıb.

O bildirib ki, buna səbəb Fransa lideri Emmanuel Makronun onun mandatını 2024-2029-cu illər üçün yeniləmək təklifinin Ursula Fon der Lyayen tərəfindən rədd edilməsi olub. Belə ki, Lyayen kollegiyanın tərkibini formalaşdıran zaman Brötonla məsləhətləşmədən şəxsi səbəblərə görə, onun namizədliyini geri çəkib.