Baltikyanı ölkələr artıq Rusiya ilə sərhəddə hərbi infrastruktur qurmağa başlayıblar.

Bunu Rusiya Federasiyası prezidentinin köməkçisi Nikolay Patruşev Kalininqrad vilayətində keçirilən müşavirədə deyib.

O, NATO-nun Baltikyanı ölkələrdə keçirdiyi hərbi təlimlərlə bağlı xəbərdarlıq da edib. Bildirib ki, bu təlimlər zamanı şimal alyansı Rusiyaya qarşı mübarizəni məşq edir.

“Baltikyanı regionda NATO ölkələri mütəmadi olaraq hərbi təlimlər keçirir və bu təlimlər zamanı Rusiyanın Baltikyanı ölkələrə hücumunun qarşısını almaq üçün ssenarilər məşq edirlər. Buna misal olaraq bu ilin yazında keçirilən NATO-nun “Dayanıqlı Müdafiəçi” manevrlərini göstərmək olar”, - deyə o qeyd edib.