2024-cü ildə Azərbaycanda cari əməliyyatlar balansının (CƏB) profisiti 10,3 milyard dollar olacaq və ümumdaxili məhsulun 12,7%-ni təşkil edəcək.

Bu barədə "The Economist Group"un araşdırma və təhlil bölməsi olan "Economist Intelligence Unit"in (EIU) ölkə ilə bağlı proqnozunda bildirilib.

EIU-nun gözləntilərinə görə, CƏB-in profisiti 2025-ci ildə 9,6 mlrd. dollar, 2026-cı ildə 9,8 mlrd. dollar təşkil edəcək, 2027-ci ildə 11 mlrd. dollara, 2028-ci ildə isə 12 mlrd. dollara yüksələcək. Bu isə müvafiq olaraq ÜDM-in 11,2%, 10,8%-i, 10,9%-i və 11%-i deməkdir.

Qeyd edək ki, Azərbaycan Mərkəzi Bankı 2024-cü il üzrə CƏB-in profistini 7 milyard dollar civarında proqnozlaşdırıb.