ABŞ Ədliyyə Nazirliyi yeni seçilən prezident Donald Trampa qarşı bütün federal işlərə xitam verib.

Bu barədə Respublikaçı keçid komandasının kommunikasiyalar üzrə direktoru Stiven Çun məlumat verib.

Qeyd edək ki, Tramp ABŞ-ı aldatmaq, şahid ifadələrini saxtalaşdırmaq, ABŞ vətəndaşlarının hüquqlarına qarşı sui-qəsd və proseslərə mane olmaq maddələri ilə ittiham edilirdi. Ona qarşı eyni zamanda Kapitoliyə hücum edərək 2020-ci il seçkilərinin nəticələrini dəyişməyə cəhdə görə yeni ittihamlar irəli sürülüb və avqustun 3-də federal məhkəməyə çağırılmışdı.

Donald Tramp həmçinin yay aylarında həbs edilib və daha sonra girov müqabilində Corciya ştatındakı Fulton həbsxanasından sərbəst buraxılmışdı.