Rusiya Cənubi Koreyada baş verənlərin Koreya yarımadasındakı ictimai-siyasi vəziyyətə təsir etməyəcəyinə ümid edir.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova bildirib.

Onun sözlərinə görə, Rusiya Xarici İşlər Nazirliyi bu ölkədəki soydaşlarına Rusiya səfirliyi ilə əlaqədə qalmağı tövsiyə edir.

Qeyd edək ki, dünən Koreya Respublikasının prezidenti Yun Sok Yol ölkədə hərbi vəziyyət elan edib. Lakin parlamentin təzyiqi ilə daha sonra elan etdiyi hərbi vəziyyəti ləğv edib.