Filippində “Nalci” tropik qasırğası azı 121 nəfərin ölümünə səbəb olub.

İnfoteka.az TASS-a istinadən xəbər verir ki, bu barədə Filippin Milli Şurasının təbii fəlakətlə bağlı hesabatında deyilir.

Qeyd olunub ki, “Nalci” tropik qasırğası 3,18 milyon insanın həyatına təsir göstərib, azı 869,2 min insan yaşadığı yerləri tərk edib.

Bu günə olan məlumata əsasən, 103 nəfər yaralanıb, 36 nəfər isə itkin düşüb.

Filippində hər il orta hesabla 20 qasırğa və tayfun qeydə alınır ki, onlar böyük dağıntılara və insan itkisinə səbəb olur.