Bu gün Avropa Liqasında qrup mərhələsinə yekun vurulacaq.

İnfoteka.az xəbər verir ki, təmsilçimiz “Qarabağ” da qrupda son matçına çıxacaq.

Qurban Qurbanovun komandası Bakıda “Frayburq”u qəbul edəcək. Qrupda 1-ci yeri təmin edən Almaniya təmsilçisi üçün görüş formal xarakter daşısa da, “Qarabağ” üçün vacib matçdır. Almaniyadakı görüşdə bu rəqibinə uduzan (1:2) "Qarabağ" pley-offa yüksəlmək üçün bu dəfə qalib gəlməlidir. Təmsilçimiz bugünkü görüşdə qələbə qazanmadan da mərhələni adlaya bilər. Bunun üçün "Nant" "Olimpiakos"la Yunanıstanda keçiriləcək görüşdə xal itirməlidir. 

Qeyd edək ki, Çempionlar Liqasında 1/8 finalın, Avropa Liqası və Konfrans Liqasında pley-offun püşkü noyabrın 7-də atılacaq.

3 noyabr

Avropa Liqası, qrup mərhələsi, 6-cı tur 

G qrupu

21:45. “Qarabağ” (Azərbaycan) – “Frayburq” (Almaniya)
Baş hakim: Aleksey Kulbakov (Belarus)
Bakı. Tofiq Bəhramov adına Respublika stadionu