Beynəlxalq Olimpiya Komitəsinin (BOK) rəhbəri Tomas Bax G20 sammitində deyib ki, əgər ölkələr idmanı siyasiləşdirsələr, o, artıq dünyanı birləşdirən körpü ola bilməz.

“Olimpiya oyunlarında bütün ölkələr, xüsusilə də münaqişəli ölkələr iştirak etməlidirlər. Yalnız müttəfiq ölkələr iştirak etsələr, Olimpiya Oyunlarından əsl sülh simvolu alınmayacaq. Bəşəriyyətin birləşmək imkanları elə də çox deyil.

Üzümü G20 liderlərinə tutub deyirəm ki, mənim sülh çağırışımı eşitsinlər və ona şans versinlər. Xahiş edirəm, idmana münasibətdə bitərəfliyinizi sammitdən sonra birgə bəyanata daxil edin”, - deyə o qeyd edib.

Xatırladaq ki, fevralın sonunda BOK beynəlxalq idman federasiyalarına müraciət edərək yerli və belaruslu idmançıların heç bir yarışa buraxılmamasını tövsiyə etmişdi. Həmçinin, xarici idmançıların iştirakı ilə bir çox yarışlar Rusiyadan kənarlaşdırılıb.

Mənbə: Gazeta.ru