"Mançester Yunayted"in və Portuqaliya millisinin futbolçusu Kriştiano Ronaldu özünə gələn transfer təklifləri barədə danışıb.

İnfoteka.az Qol.az-a istinadən xəbər verir ki, 37 yaşlı hücumçuya təklif göndərdiklərini açıqlayan yeganə klub "Əl-Hilal" (Səudiyyə Ərəbistanı) olub. Ronaldu isə bu haqda  deyib: 

“Bəli, çox böyük təklif var idi, bu, doğrudur. Amma mətbuatda hər cür cəfəngiyyat yazırlar ki, məni heç kim istəmir. Bu, qətiyyən doğru deyil. “Mançester Yunayted”də xoşbəxt idim, əla mövsüm keçirməyə qərarlı idim. Amma mətbuat heç kimin Ronaldunu istəmədiyini yazmağa davam edir. Keçən mövsüm Portuqaliya yığması da daxil olmaqla 32 qol vuran futbolçunu necə istəməzsən? Böyük pullardan imtina etmək çətindir, amma mən "Mançester Yunayted"də xoşbəxt olduğumu, hələ də çoxlu qollar vurmağa və komandaya kömək etməyə qadir olduğumu düşünürdüm. İnanıram ki, milli komandaya və hətta “Mançester Yunayted”ə kömək edəcək qədər yaxşıyam”.