Azərbaycanın öz ərazilərini minalardan təmizləmək üçün çox vaxta ehtiyacı olacaq.

İnfoteka.az xəbər verir ki, bu barədə “Report”a Rumıniya baş nazirinin dövlət müşaviri Yulian Çifu bildirib.

Onun sözlərinə görə, mina problemi özündə böyük təhlükə daşıyır.

Dövlət müşaviri bildirib ki, hazırda Rumıniyada da İkinci Dünya müharibəsindən qalma partlamamış minalar var.

“Azərbaycan öz ərazilərini minalardan təmizləmək üçün çox vaxta ehtiyac duyacaq. Bu, böyük səy deməkdir”, - o qeyd edib.

Dövlət müşaviri əlavə edib ki, hətta minalanmış sahələrin xəritələri olsa belə, ehtiyatlı olmaq lazımdır.