Futbol üzrə Azərbaycan Kubokunda yarımfinalın növbəti iştirakçısı bəlli olub.

İnfoteka.az xəbər verir ki, 1/4 final mərhələsinin cavab oyununda "Sabah"a 1:0 hesabı ilə qalib gələn "Səbail" adını növbəti raunda yazdırıb. Görüşdəki yeganə qolu 73-cü dəqiqədə qonaqların hücumçusu Qoba Zakpa vurub.

"Dənizçilər" "ASK Arena"dakı ilk qarşılaşmada da rəqibini məğlub etmişdi - 3:2. Beləliklə, iki görüşün nəticəsinə əsasən mərhələ adlayan Mahmud Qurbanovun baş məşqçi olduğu kollektiv yarımfinalda "Qəbələ"yə rəqib olub.