Yanvarın 10-da Yakutiyanın Olenekski rayonunun Jilinda kəndində havanın temperaturu mənfi 61°C-ə düşüb. Bu barədə məlumat Yakutiya Hidrometeorologiya Departamentinin saytında dərc olunub.
Bununla yanaşı, respublikanın 9 rayonunda havanın temperaturu mənfi 45 dərəcəyə çatıb. Yakutiyanın şimal-qərb və şimal-şərq hissələrində isə gecələr mənfi 50 dərəcə müşahidə edilir.
Yakutiyanın paytaxtı Yakutskda isə temperatur mənfi 42 dərəcə şaxta təşkil etdiyindən orta məktəblərdə təhsil distant formata keçirilib.
