Britaniya kral ailəsindən ayrılaraq həyat yoldaşı Meqan Markl ilə ABŞ-da məskunlaşan şahzadə Harri açıqlamaları ilə dünya gündəmini sarsıtmağa davam edir.
O bildirib ki, kral ailəsinin üzvləri kraliça II Elizabetlə vidalaşmaq üçün Şotlandiyanın Balmoral qəsrinə getdikləri zaman onu mindikləri təyyarəyə dəvət etməyiblər.

Şahzadə bu barədə ABŞ televiziya kanalı CBS-yə müsahibəsində deyib.

“Vindzor və Askot bölgəsində yaşayan kral ailəsinin bütün üzvləri 12 və ya 14, bəlkə də, 16 yerlik bir təyyarəyə birlikdə mindilər, məni dəvət etmədilər”, - deyə o qeyd edib.

Şahzadə Harrinin sözlərinə görə, o, Balmoral qəsrinə çatanda artıq kraliça vəfat edibmiş.