Son günlər insanlar arasında yayılan virus uzun müddət sağalmaması ilə insan orqanizmini məhv edir. Bununla mübarizə aparmaq üçün immuniteti gücləndirmək vacibdir. Dərmanlarla yanaşı türkəçarə də edilməlidir.

Soyuqdəymə, boğaz ağrısı zamanı aşağıdakıları etmək yaxşıdır:

Qaba 2 xörək qaşığı quru nanə və 1,5 stəkan su qoyun. Xırda doğranmış yarım limonun qabığı ilə birlikdə əlavə edib, qaynadın. Qaynadıqdan sonra süzün və isti halda için. 

Bir çay qaşığı bal və bir çay qaşığı toz zəncəfili qarışdırıb yeyin.

Bir stəkan ilıq suya azca yod, soda və duz töküb boğazınızı qarqara edin. Bu, sizi boğaz ağrısından xilas edəcək.

1 stəkan ilıq südə 1 çay qaşığı və ya 1 xörək qaşığı bal əlavə edib, yaxşıca qarışdırın, üzərinə toz darçın səpib istehlak edin. Diqqət edilməli ən vacib məqam südün isti olmamasıdır. 

Boğaz ağrısına adaçayı da yaxşıdır. Adaçayı həm də infeksiyaları öldürür.

Çox öskürürsünüzsə, biyan kökü qaynadıb için.