“Barselona”nın keçmiş futbolçusu Xavi Torres 2013/14 mövsümündə danışılmış oyunlara görə 10 ay həbs cəzasına məhkum edilib.

İdmançı həmçinin 22 ay müddətinə diskvalifikasiya olunacaq və 400 min avro cərimə ödəyəcək.

İttiham tərəfi sübut edə bilib ki, Torres və onun komanda yoldaşı Antonio Amaya 2014-cü ildə “Betis”də çıxış edərkən “Osasuna” rəhbərliyindən 650 min avro pul mükafatı alıb və “Betis” 1:2 hesabı ilə uduzub. Lakin həmin mövsüm “Osasuna” İspaniya çempionatının yüksək divizionunu tərk edib.