2022-ci ilin yekunlarına əsasən "Sportsman” jurnalının təşkil etdiyi "Zəfər" Beynəlxalq İdman Mükafatı-2022-nin qaliblərinin adları açıqlanıb.

İnfoteka.az xəbər verir ki, bununla bağlı "JW Marriott Absheron” otelinin "Şərq" zalında təltifetmə mərasimi təşkil olunub.

İdman ictimaiyyətinin iştirak edtiyi tədbirdə ilin idmançısı və futbolçusunun mükafatlandırılması xüsusilə diqqət mərkəzində olub. Keçən il dünya və Avropa çempionu olan yunan-Roma güləşçisi Eldəniz Əzizli ilin idmançısı, "Qarabağ"ın və milli komandamızın hücumçusu Ramil Şeydayev ilin futbolçusu seçilib. 2022-ci ildə 30 illik yubileyi olmuş AFFA da mükafatlandırılanlar sırasında idi. 

Tədbirdə şou-biznes nümayəndələrinin çıxışları olub, uduşlu lotereyalar da təşkil edilib.

Qeyd edək ki, yarandığı gündən “Sportsman” jurnalının ən ümdə arzularından, istəklərindən biri də “Frans Futbol”, “Laureus”, “Slava” kimi öz mükafatını yaratmaq, Olimpiya Oyunlarında, Avropa və dünya çempionatlarında qazandıqları nailiyyətləriylə hər bir Azərbaycan vətəndaşını sevindirən, ona qürur hissi yaşadan qəhrəmanlarımızın xidmətləri şərəfinə mükafat təsis etmək idi. Nəhayət, “Sportsman” jurnalı, 2007-ci ildə Azərbaycan Gənclər və İdman Nazirliyinin dəstəyi ilə “Zəfər” Yüksək İdman Nailiyyətləri Mükafatını təsis etdi. Mükafatın ilk təqdimetmə mərasimi isə 31 yanvar 2009-cu ildə Bakı Əyləncə Mərkəzinin “Eliza” zalında baş tutdu. Beləcə, müxtəlif layihələr həyata keçirən “Sportsman” jurnalı, 2008-ci ilin ən yüksək idman nailiyyətlərini müəyyən edərək, böyük uğurlar əldə etmiş idmançılara, məşqçilərə, idman mütəxəssislərinə, Azərbaycan idmanına dəstək olan qurumlara müxtəlif nominasiyalar üzrə mükafatlar təqdim etdi.

29 yanvar 2016-cı il tarixində, “Jumeirah Bilgah Beach Hotel”ində keçirilən “Zəfər 2015”in  təqdimat mərasimində isə “Dünya İdman Jurnalistləri Assosiasiyası”nın (AİPS) baş katibi maltalı Çarli Kamenzuli və fransalı Kristof Mousset, idmanın inkişafındakı xidmətlərinə görə “Zəfər” mükafatına layiq görüldülər. Beləcə,   
“Zəfər”, respublika sərhədlərini aşaraq, “Zəfər Beynəlxalq İdman Mükafatı” statusunu qazandı. 

"Zəfər” 2022 beynəlxalq idman mükafatının nominantları:

İlin idmançısı – Eldəniz Əzizli

İlin veteran idmançisi – Eduard Məmmədov

İlin məşqçisi – Siyana Vasileva

İlin idman federasiyası – Azərbaycan Güləş Federasiyası

İlin milli komandası – Azərbaycan Milli Karate Federasiyasının Komandası

İlin idman klubu – “Neftçi” İK

İlin Futbolçusu - Ramil Şeydayev

İlin idman jurnalisti – Mehman Süleymanov

İlin idman həkimi - Professor Hüseynəli İsmayılov

İlin idman verilişi – Foto + (CBC Sport)

İlin idman yarışı – “Prezident Kuboku – 2022” Reqatası

İlin idman sağlamlıq mərkəzi –“The Club” Port Baku

Azərbaycan idmanının təbliğindəki xidmətlərinə görə - Aydın Əliyev (Azərbaycan Televiziyası)

Azərbaycan idmaninin və olimpiya hərəkatinin inkişafindaki xidmətlərinə görə – Milli Olimpiya Komitəsi 

Gimnastika idman növlərinin inkişafindaki xidmətlərinə görə – Azərbaycan Gimnastika Federasiyası

Cüdo idman növünün inkişafindaki xidmətlərinə görə – Azərbaycan Cüdo Federasiyasi

Azərbaycan futbolunun inkişafindaki xidmətlərinə görə – Azərbaycan Futbol Federasiyalari Assosiasiyası

Azərbaycan uşaq futbolunun inkişafindaki xidmətlərinə görə – Arif Zeynalov

İdman tədbirlərinin təşkilindəki xidmətlərinə görə – Bəhruz Səmədov