BMT-nin Məskunlaşma Proqramı (UN-HABITAT) tərəfindən Azərbaycan üzrə layihə sənədi hazırlanıb.

İnfoteka.az-ın xəbərinə görə, bunu Proqramın icraçı direktoru Maimuna Mohd Şərif oktyabrın 5-də Ağdamda Prezident İlham Əliyevin qəbulunda olarkən bildirib.

Azərbaycanın işğaldan azad olunmuş ərazilərdə genişmiqyaslı şəhərsalma və yenidənqurma fəaliyyəti həyata keçirdiyinə toxunan BMT-nin Məskunlaşma Proqramının icraçı direktoru həmin ərazilərdə görülən işlərin miqyasından və sürətindən heyranlığını ifadə edib, qısa zaman ərzində ölkəmizin şəhərsalma sahəsində müasir yanaşmalar tətbiq edərək belə nailiyyətlər qazanmasını xüsusi vurğulayıb.

O, həmçinin UN-HABITAT-ın bu prosesdə Azərbaycana dəstək verməyə hazır olduğunu bildirib və Azərbaycan üzrə hazırlanmış layihə sənədini dövlətimizin başçısının diqqətinə çatdırıb.