Vitamin çatışmazlığı ciddi problemdir. Amma bunu necə bilmək olar? Məlum olub ki, özünüzü dinləmək kifayətdir, çünki bədənimiz bəzən müəyyən vitaminlərin olmaması barədə qışqırır və biz bunu hiss etmirik.

Kəpək

Kəpək əsas yağ turşularının olmaması səbəbindən yarana bilər. Bu vəziyyətdə balıq yağı içmək və ya daha çox bitki yağları istehlak etmək lazımdır.

Solğun saçlar

Bu, B qrupu vitaminləri çatışmazlığına işarədir. Ən yaxşı mənbələr qulançar və ispanaqdır. Saçlarınızın parlaq olmasını vəd edən şampunlara pul xərcləməyin, problemi daxildən həll edin.

Ağ saçlar

Bədənimizin misə ehtiyacı olduğunu bilirdinizmi? Əgər sizdə bu çatışmazlıq varsa, o zaman saçlarınız vaxtından əvvəl ağarmağa başlaya bilər. Mis qaraciyərdə, qoz-fındıqda, yarpaqlı tərəvəzlərdə, noxudda, lobyada və göbələkdə olur.

Çatlamış dodaqlar

Soyuqda çölə çıxmasanız da, dodaqlarınızın çatladığını görmüşünüz. Bu, B12 vitamini çatışmazlığının əlamətidir. Daha çox quş əti, yumurta, balıq, süd və kəsmik yeyin.

Boş dəri

Dərinin elastikliyini artırmaq və dərinin qocalmasının qarşısını almaq üçün E vitamini istehlak edin. O, badam, zeytun və qarğıdalı yağlarında olur.

Daim yorğunluq hissi

Kifayət qədər yatıb-yatmamağınızdan asılı olmayaraq hər zaman yorğun hiss edirsinizsə, bu, sizin daha çox D vitamininə ehtiyacınız olduğunu göstərə bilər. Yeri gəlmişkən, xüsusilə o, qışda əskik olur. Bu vitaminin dozasını almaq üçün günəşdə gəzintiyə çıxın və ya daha çox süd məhsulları - pendir, yağ, kəsmik yeyin.

Bədəndə qançırlar

C vitamini çatışmazlığı ilə qan damarlarının kövrəkliyi artır. Beləliklə, asanlıqla qançır yarana bilər. Kivi, portağal, gül kələm və s. tərkibində çoxlu C vitamini var.

Qəbizlik

Adətən səbəb lif çatışmazlığıdır. Səhər təzə alma ilə yulaf əzməsi problemi həll edə bilər. Unutmayın ki, kəpək, kətan toxumu və paxlalılar (mərci, noxud, lobya və s.) liflə zəngindir.