Avropa İttifaqı (Aİ) Şurasının Prezidenti Şarl Mişel və Avropa Komissiyasının Prezidenti Ursula von der Leyenin Çinə səfəri planlaşdırılır.

Bu barədə Çinin Avropa İttifaqındakı səfiri Fu Konq "Global Times"ə müsahibəsində deyib.

Onun sözlərinə görə, Ursula von der Leyen və Şarl Mişel bu ilin birinci yarısında Çinə səfər edə bilərlər.

Çinli diplomat bildirib ki, Aİ-nin iki yüksək səviyyəli rəsmisinin səfərinə hazırlıq gedir və Aİ ilə Çin arasında tezliklə “mütəmadi yüksək səviyyəli qarşılıqlı səfərlərin” başlaması gözlənilir.