Rusiyanın “VK” sosial şəbəkəsi (“VKontakte”) Rusiyada “YouTube” videohostinqinin bağlanması üçün aktiv hazırlıqlara başlayıb.

Anonim mənbənin sözlərinə görə, “VKontakte” sosial şəbəkəsi trafikin intensiv artımını gözləyərək qabaqlayıcı tədbirlərə əl atıb.

Forbes-in məlumatına görə, Vkontakte video məzmunun yüklənməsini daha səmərəli etmək üçün CDN server şəbəkəsindən istifadəni xeyli genişləndirməyə başlayıb. Bundan əlavə, VK caching xidmətləri üzrə əsas operatorlarla danışıqlar aparmağa çalışır.

Qeyd edək ki, CDN - ən populyar məzmunun surətləri olan serverlər şəbəkəsidir. Bununla, məzmun mərkəzi serverdən deyil, ən yaxın mövcud nöqtədən qəbul edilə bilər.

VK öz növbəsində bildirib ki, CDN-nin tətbiqi yalnız şirkətin populyarlığının artması ilə bağlıdır.

Bundan əlavə, VKontakte indi öz platforması ilə YouTube-dan populyar rusdilli bloggerləri maraqlandırmağa çalışır.

Yeri gəlmişkən, martın 1-dən Rusiyada xarici messencerlərdən istifadə qadağan edilib. Bunlar: Telegram, WhatsApp, Viber, Microsoft Teams, Skype, Discord, Snapchat, Threema və WeChat-dır.

2022-ci il martın 21-də isə Rusiyada “ekstremist fəaliyyətə görə” Instagram və Facebook sosial şəbəkələri qadağan edilib.

Rusiya hakimiyyəti Rutube-ni YouTube-a alternativ hesab edir. 2022-ci ilin mart ayında bütün pasport məlumatları göstərilməklə saytda yalnız "Gosuslugi" vasitəsilə qeydiyyatdan keçməyin mümkün olacağı barədə məlumatlar yayılıb.