Nəqliyyat vasitələrinin yaratdığı səslər yollara yaxın məsafələrdə yaşayanlarda qan təzyiqinin artmasına səbəb olur.

İngiltərədəki Leicester Universitetinin tədqiqatçıları səs-küylü yol hərəkəti ilə hipertenziya riskinin artması arasında bir başa əlaqə olduğu fikrinə gəliblər.

Tədqiqatçılar arterial hipertenziyadan əziyyət çəkməyən 40-69 yaş arası 240 mindən çox insanın məlumatlarını təhlil ediblər. Məlum olub ki, yol hərəkəti səs-küyünə məruz qalanlar hipertenziya xəstəliyinə düçar olma riski ilə üz-üzə gələ bilərlər və bu risk bu risk “səs-küyün” nisbətinə görə daha da arta bilər.

Leicester Ətraf Mühitin Sağlamlığı və Davamlılıq Mərkəzindən Samuel Y Cai bildirdi ki, 8 illik izləmə müddətinə əsaslanan elmi araşdırma, uzunmüddətli trafik səs-küyünün hipertenziyaya təsirini birbaşa aşkar edən ilk araşdırma hesab edilir.