2023-cü ilin ilk üç ayında 441 miqrant Aralıq dənizi sularında həlak olub.

Bu barədə Beynəlxalq Miqrasiya Təşkilatı məlumat yayıb.

Təşkilat qeyd edir ki, bu, 2017-ci ildən bəri miqrantlar arasında ən yüksək ölüm sayıdır.

Təşkilatın baş direktoru Antonio Vitorino bildirib ki, son doqquz il ərzində Aralıq dənizi sularında həlak olan miqrantların sayı 20 mindən çoxdur.

“Qorxuram ki, bu rəqəmlər artıq normaya çevrilib. Dövlətlər buna reaksiya verməlidirlər”, - o deyib.