İlin birinci rübündə Türkiyədən 86 ölkəyə, muxtar və sərbəst bölgələrə 2 milyard 625 milyon 510 min dollarlıq minik avtomobili satılıb.

Uludağ Avtomobil Sənayesi İxracatçıları Birliyinin məlumatına görə, ilin ilk rübündə avtomobil sənayesinin xarici satışlarının 30,5 faizi 8 milyard 618 milyon 998 min dollarla minik avtomobil qrupu olub.

2022-ci ilin yanvar-mart aylarında 2 milyard 149 milyon 246 min dollar olan minik avtomobili ixracı cari ilin müvafiq dövründə 22,16 faiz artaraq 2 milyard 625 milyon 510 min dollar təşkil edib.

İlin birinci rübündə Türkiyədən 86 ölkəyə, muxtar və azad bölgələrə minik avtomobilləri göndərilib.

Sektor yanvar-mart dövründə Fransaya ən çox minik avtomobili ixrac edib.

Bu ölkəyə ixrac 124,49 faiz artaraq 207 milyon 56 min dollardan 464 milyon 815 min dollara yüksəlib.

Fransanı keçən ilin eyni dövrü ilə müqayisədə 35,4 faiz artımla 299 milyon 459 min dollarlıq minik avtomobili ixracı ilə İngiltərə izləyib.

İlin ilk rübündə İspaniya  29,44 faiz artım və 290 milyon 53 min dollar ilə üçüncü, İtaliya 24,48 faiz artım və 225 milyon 304 min dollar ilə dördüncü, Almaniya 12,15 faiz artım və 217 milyon 76 min dollarla beşinci yeri alıb.

Minik avtomobili ixracında Polşa 174 milyon 253 min dollarla altıncı, Sloveniya 145 milyon 100 min dollarla yeddinci, Belçika 96 milyon 187 min dollarla səkkizinci, İsrail 73 milyon 170 min dollarla doqquzuncu, İsveç isə 61 milyon 34 min dollarla onuncu yeri tutub.