Türkiyədə hakim Ədalət və İnkişaf Partiyasının (AK Partiya) bürolarına silahlı hücum olub.

Bu barədə NTV məlumat yayıb.

Bildirilib ki, İstanbulda yerli vaxtla 22:15 radələrində baş verən hadisədə ölən və ya yaralanan olmayıb.

Motosikletdə olan iki nəfərdən birinin seçki əlaqə bürosunun qarşısından keçərkən havaya 5 atəş açdığı, 4 güllənin isə binanın yuxarı mərtəbələrinə dəydiyi bildirilib.

Hadisə yerinə çox sayda polis əməkdaşları cəlb olunub. Faktla bağlı araşdırma aparılır.