"infoteka.az" xəbər verir ki, Latviyanın səfir əvəzi Viya Buşe və səfirliyin əməkdaşı Elmira Mirzəyeva, eləcə də Latviya Səfirliyinin təşkilatçılığı ilə İrlandiyadakı Latviya Cəmiyyəti qarışıq səsli xoru “el Ve”-nin solistləri ölkəmizə səfərləri çərçivəsində Suraxanı rayon Heydər Əliyev Mərkəzində Azərbaycan xalqının Ümummilli Lideri, müstəqil Azərbaycan dövlətinin qurucusu, görkəmli siyasi və dövlət xadimi Heydər Əliyevin anadan olmasının 100 illiyi münasibətilə Rayon İcra Hakimiyyətinin və Heydər Əliyev Mərkəzinin dəstəyi, M.Bayramov adına 196 nömrəli tam orta məktəbin və 5 nömrəli Uşaq-Gənclər İnkişaf Mərkəzinin təşkilatçılığı ilə hazırlanmış tədbirə qatılıblar.
Tədbirdə Suraxanı Rayon İcra Hakimiyyətinin başçısı Əziz Əzizov, YAP Suraxanı Rayon Təşkilatının sədri Vüqar Seyidov, RİHB-nin müavinləri, şəhid ailələri, məktəb direktorları iştirak ediblər.
İlk öncə İlk öncə Ulu Öndər Heydər Əliyevin və şəhidlərin əziz xatirələri bir dəqiqəlik sükutla anılıb, dövlət himni səsləndirilib.
Daha sonra Latviyanın səfir əvəzi Viya Buşe çıxış edərək Suraxanı rayonuna səfərindən məmnunluq duyduğunu ifadə edib. Həmçinin, Latviya Səfirliyinin təşkilatçılığı ilə İrlandiyadakı Latviya Cəmiyyəti qarışıq səsli xoru “el Ve” Latviya xalq mahnısını canlı ifa edərək, qonaqlarla birgə rəqs nümayiş etdiriblər.
Tədbirdə 5 nömrəli Uşaq-Gənclər İnkişaf Mərkəzinin və M.Bayramov adına 196 nömrəli tam orta məktəbin şagirdlərinin təqdimatında Ulu Öndər, Ümummilli Lider Heydər Əliyevin əziz xatirəsinə həsr olunmuş ədəbi-bədii kompozisiya nümayiş olunub.