Qarşıdakı üç ildə elektriklə işləyən avtomobillərə keçəcək ölkələrin adları açıqlanıb. 

Mütəxəssislər 2025-ci ilə qədər elektrik avtomobillərinin ümumi avtomobil satışlarının yarısını təşkil edəcəyini proqnozlaşdırır.

Elektrikli nəqliyyat vasitələri və akkumulyatorların satışı bəzi ölkələrdə çox sürətlə artır. 

Elektrik avtomobillərinin sayının daxili yanma mühərrikli (ICE) avtomobillərin sayından çox olduğu ilk ölkənin Almaniya olacağı gözlənilir.

Bunu “Hippo Leasing” portalının dərc etdiyi araşdırmanın nəticələri sübut edir.

Mütəxəssislər ən çox avtomobil satılan 12 ölkədə elektromobil satışlarının artım templərini təhlil edərək, 2023-cü ildə bu ölkədə elektriklə işləyən avtomobillərin satışının bütün digər güc aqreqatlarına malik avtomobilləri keçəcəyini proqnozlaşdırıblar.

Almaniyadan sonra Böyük Britaniya, Çin, Fransa, ABŞ, İtaliya, Cənubi Koreya, Avstraliya, Braziliya, İspaniya, Yaponiya və Hindistan gəlir.

Araşdırmaya görə, Almaniya 10 il ərzində daxili yanma mühərrikli avtomobillərin satışına qadağa qoyacaq. Mütəxəssislər bunu 2020-ci ildən 2021-ci ilə qədər 109 faiz artan alman elektrikli avtomobil satışlarının kəskin artdığını göstərən məlumatlar ilə təsdiqləyirlər.