Britaniyanın Baş naziri Rişi Sunak və Ukrayna Prezidenti Vladimir Zelenski görüşüb.

Rişi Sunak Ukrayna Prezidentini müzakirələr üçün bağ evi olan “Chequers”də qarşılayıb.

Rişi Sunak Zelenski ilə fotosuna “xoş gəlmisiniz” yazaraq tvitterdə paylaşıb.

Görüşdən öncə, Britaniya Baş nazirinin ofisi də açıqlama yayıb.

“Bu gün Baş nazir Rişi Sunak Ukraynanın Böyük Britaniyanın yüzlərlə hava hücumundan müdafiə raketləri və zərbə pilotsuz təyyarələri də daxil olmaqla, əlavə uçuş sistemləri ilə təmin edilməsini təsdiq edəcək. Ukrayna Rusiyanın davam edən işğalına qarşı müqavimətini gücləndirməyə hazırlaşarkən bunların hamısı yaxın aylarda çatdırılacaq.

Bu avadanlıq Ukraynaya qarşıdakı aylarda Rusiya qüvvələrinə qarşı gözlənilən əks-hücumuna dəstək verəcək. Baş nazir bugünkü görüşdə Prezident Zelenski ilə Ukraynanın həm təcili hərbi texnika, həm də uzunmüddətli müdafiə baxımından beynəlxalq ictimaiyyətdən hansı dəstəyə ehtiyacı olduğunu müzakirə edəcək”, - açıqlamada deyilir.