16 may 2023- cü il tarixində  Bakı şəhəri Xətai rayonu Əhmədli qəsəbəsində yerləşən "Kiçik Mələklər" uşaq bağçasında "YOL"Yol Hərəkəti İştirakçılarının Maarifləndirilməsi və Təhlükəsizliyi İctimai Birliyi tərəfindən yol hərəkəti qaydaları mövzusunda "YOL HƏYATDIR" adlı layihənin  növbəti tədbiri keçirilmişdır. Tədbirin əsas məqsədi kiçik yaşlı uşaqlara əsas yol hərəkəti qaydaları  və nişanlarını tanıtmaq, bu mövzuya  maraq yaratmaq və son nəticə olaraq onların iştirakı ilə   baş vərə biləcək yol nəqliyyat hadisələrinin qarşısının alınmasıdir.Tədbirin açılışı Dövlət Himni ilə başladı. Sonra  İctimai Birliyin sədri Rüfət Axundov tədbirdə iştirak edən bağça kollektivini salamladı və  uşaqlarla yol qaydaları mövzusunda maarifləndirici söhbətlər etdi .
Ardınca bağçanın direktoru Könül Əsədova çıxış etdi .O da öz  növbəsində bu mövzunun daim aktual olduğundan danışdı  və onların yol qaydalarını bilməsinin vacibliyini vurğuladı.
Tədbir uşaqların çıxışları ilə davam etdi.Onlar bağçanın musiqi rəhbəri Sevil İsayevanın müşaiyəti ilə  yol qaydalarına aid şeir, mahnı və səhnəciklərdən ibarət kompozisiyalar təqdim etdilər.Tədbirin sonunda təşkilat tərəfindən bağça rəhbərinə və müəllimlərinə kiçik yaşlı uşaqların ictimai maarifləndirilməsi və fərdi mənəvi keyfiyyətlərinin inkişafı sahəsində apardıqları səmərəli fəaliyyətlərinə görə təşəkkürnamə verildi.