Azərbaycan cüdoçuları 3 medal qazanıb.
Mayın 20-21-də İspaniyanın Malaqa şəhərində keçirilən gənclər arasında Avropa Kuboku turnirində Azərbaycan cüdoçuları 3 medal qazanıb.
Azərbaycan Cüdo Federasiyası bununla bağlı məlumat paylaşıb.
Azərbaycan cüdoçuları yarışın birinci günündə 1 qızıl və 1 bürünc medal qazanıblar. Turnirin ikinci günündə isə Kənan Nəsibov +100 kq çəki dərəcəsində gümüş medala layiq görülüb. -81 kq çəkidə Ömər Rəcəbli yarışı 5-ci yerdə başa vurub.
Cüdoçularımız turnirdə ümumilikdə 1 qızıl, 1 gümüş və 1 bürünc medal qazanıblar və oğlanlar arasında dördüncü yerə , ümumi komanda hesabında beşinci yerə layiq görülüb.
