Britaniya Azərbaycanlıları Cəmiyyətinin sədri Fəridə Pənahova bu barədə məlumat verib.
Fəridə Pənahovanın sözlərinə əsasən, güneyli milli fəalın oğlu Dənizin vəziyyəti daha ağırdır:
“Mütəmadi olaraq Ə. Obalının həyat yoldaşı Nahidə xanımla əlaqə saxlayıram. Nahidə xanım bildirib ki, hər ikisinin boyun nahiyəsində baş tutan əməliyyat yaxşı keçib, ancaq nəticəni zaman göstərəcək. Həm Ə. Obalı, həm də oğlu Dəniz əl və ayaqlarını hiss etmir. Ə. Obalının ciyərlərindən aldığı ağır zərbələrə görə həkimlər onun danışmasına hələ ki, icazə vermirlər. Həkimlər heç kimi Ə. Obalı və oğlunun olduğu otağa buraxmırlar”.

F. Pənahovа həmçinin bildirib ki, planlı hazırlanan cinayətdə məqsəd Ə. Obalı və Dənizin boynunu sındıraraq öldürmək imiş:

“Nahidə xanım ağır psixoloji sarsıntı keçirib. O, yoldaşının, oğlunun və özünün təhlükəsizliyi ilə bağlı qorxu içindədir. Ümid edirik ki, ABŞ polisi baş verənlərə hüquqi müstəvidə cavab verəcək”.

Qeyd edək ki,  21 mayda  səhər saatlarında Güney Azərbaycan Televiziyasının qurucusu və rəhbəri, ABŞ-da mühacir həyatı yaşayan, güneyli milli fəal Əhməd Obalı Kaliforniya ştatında şəxsiyyəti məlum olmayan şəxslər tərəfindən vəhşicəsinə döyülüb.