PSJ klubunun ulduz futbolçusu Lionel Messi Fransada Portuqaliya "Benfika"sına qarşı UEFA Çempionlar Liqasının qrup mərhələsinin IV tur oyununu buraxacaq.
İnfoteka.az report-a istinadən xəbər verir ki, 35 yaşlı hücumçu zədə səbəbindən meydana çıxmayacaq.
"Reyms"lə qolsuz heç-heçə etdikləri Liqa 1-in X tur matçında iştirak etməyən forvard Paris təmsilçisinin bugünkü hazırlıq prosesinə də qatılmayıb.
Argentinalı oyunçu daha əvvəl baldır nahiyəsindən zədə alıb.
Qeyd edək ki, oktyabrın 11-də keçiriləcək PSJ - "Benfika" görüşü Bakı vaxtı ilə saat 23:00-da başlayacaq.
