Səudiyyə rəsmiləri argentinalı hücumçu Lionel Messinin ölkədəki tətil xərclərini ödəyəcəklər.

Məlumata görə, Turizm Nazirliyi futbolçu ilə ölkənin dünyada imicinin yaxşılaşmasına kömək etməli olan müqavilə bağlayıb.

Sənədə əsasən, Messi ailəsi ilə birlikdə Səudiyyə Ərəbistanına gəlməli və yerli hakimiyyət orqanlarının təsdiq etdiyi sosial şəbəkələrdə paylaşım etməlidir.

Qeyd olunur ki, argentinalı ildə beş gün davam edən bir illik və ya üç gün davam edən iki illik ailə tətili üçün iki milyon dollar alacaq. Messi və onun ailəsi, eləcə də 20-yə qədər dostlarının yol və yaşayış xərcləri də Səudiyyə Ərəbistanı hökuməti tərəfindən ödəniləcək.