Günvurma Günəş şüalarının beyinə təsiri nəticəsində yaranır.

Bunu Səhiyyə Nazirliyinin mütəxəssis-eksperti, terapevt Günay İsmayılova deyib. Həkim bildirib ki, ilkin əlamətlər tənəffüs saylarının artması, bədən hərarətinin yüksəlməsi, ürəkbulanma, başgicəllənməsi və s. kimi hallarla müşahidə edilir:

“Həkimə vaxtında müraciət edilməsə, tənəffüs, ürək çatışmazlığı kimi əlamətlər özünü kəskin şəkildə göstərə bilər”.

Həkim bildirib ki, günvurmanın nəticəsinin ağırlığı yaş, alkoqollu içki və s. kimi faktorlardan da asılı olur.

“Günvurma zamanı adamın huşu yerindədirsə, su vermək olar, əks halda isə məsləhət görülmür”, - deyə həkim qeyd edib.

“Qarmarit”-dən əziyyət çəkənlərin günvurma zamanı sərin yerdə yerləşdirilməsinin məsləhət görülüb-görülməməsi barədə sualı cavablandıran həkim bildirib ki, bu xəstəlik iltihabi proses olduğuna görə, çox soyuq yerdə qalmaq məsləhət deyil. Lakin günvurma zamanı adamın çox isti yerdə qalması da tövsiyə edilmir.