Polşa gərgin vəziyyətlə əlaqədar Belarusla sərhədə 500 hüquq-mühafizə orqanı əməkdaşı göndərir.

Bunu öz “Twitter” hesabında ölkənin daxili işlər naziri Mariuş Kaminski bildirib.

Nazirin sözlərinə görə, hüquq-mühafizə orqanlarının əməkdaşları sərhədin təhlükəsizliyini qoruyan 5 min sərhədçi və 2 min əsgərə qoşulacaqlar.

Polşa sərhəd xidmətinin məlumatına görə, ötən gün 187 nəfər Belarusdan Polşaya sərhədi qanunsuz keçməyə cəhd edib.